Pse ka ra crypto sot? – 7 Nëntor 2025

Ndërkohë, vëllimi i tregtimit në 24 orët e fundit qëndron në 180.4 miliardë dollarë, që tregon pjesëmarrje aktive edhe pse tregu në përgjithësi është i dobët.

Tregu i kriptovalutave sot është duke u tregtu pak ma poshtë, me kapitalizimin e përgjithshëm global të tregut që ka ra për 0.7%, në 3.49 trilionë dollarë, sipas të dhënave nga CoinMarketCap.

Ndërkohë, vëllimi 24-orësh i tregtimit qëndron në 180.4 miliardë dollarë, që tregon se tregtarët veç janë aktivë, përkundër dobësisë më të gjerë të tregut.

---

Përmbledhje e shkurtë:

• Kapitalizimi global i tregut të kriptos ka ra 0.7% në 3.49T, me vëllim 24h prej 180.4B;

• BTC ka ra 0.2% (në $101,553), ndërsa ETH ka ra 0.1% (në $3,336);

• Bursat aziatike kanë pasë rënie, duke pasqyru humbjet në Wall Street pas shitjeve të aksioneve të AI dhe të dhënave të dobëta për punësim në SHBA;

• Kërkesa institucionale për BTC është ngadalësu, me hyrje ma të vogla në thesare dhe ETF;

• Indeksi i “Frikës & Lakmisë” ka ra në 21 (Frikë) prej 24 dje dhe 62 para një muji;

• BTC ETF-t janë rimëkëmbë me 240M $ hyrje;

• ETH ETF-t kanë shtu 12.5M $;

• Tregtarët po qëndrojnë të kujdesshëm për shkak të mbylljes së qeverisë amerikane dhe spekulimeve për ulje të normave të interesit nga FED-i.

---

Fituesit & Humbësit në Crypto

Në kohën e shkrimit, shumica e kriptovalutave kryesore janë në rënie në 24 orët e fundit.

• Bitcoin (BTC) po tregtohet me $101,553, poshtë 0.2%, me kapitalizim prej 2.02 trilionë $.

• Ethereum (ETH) ka ra 0.1% në $3,336, ndërsa BNB ka u rrit 0.4% në $964.83.

• XRP është rrit 4.5% në $2.22, duke u dallu si një prej fituesve të rrallë të mëdhenj.

• Solana (SOL) ka ra 1.2% në $157.21, ndërsa Cardano (ADA) është rrit 1.8% në $0.5455.

• Dogecoin (DOGE) është rrit 1.6%, tash po tregtohet në $0.1663.

Edhe pse tregu në përgjithësi është në rënie, disa altcoine kanë pasë fitime të mëdha:

• DeAgentAI (DAI) është rrit 618.7%,

• Internet Computer (ICP) është rrit 4.4%,

• Zcash (ZEC) ka fitu 19.5% në 24 orët e fundit.

Fitues tjerë përfshijnë sudeng (+248.4%) dhe DUSK (+59.5%), që tregon aktivitet të shtuar spekulativ në tokenat me kapital të vogël.

Monedhat që po trendojnë në CoinMarketCap janë DeAgentAI, Internet Computer, dhe Zcash – që tregon interes të rritun të investitorëve në projekte që lidhen me AI dhe privatësinë, në një treg që është ende i kujdesshëm.

---

Crypto dhe tregjet aziatike bien teksa investitorët shmangin rrezikun për shkak të të dhënave të dobëta dhe daljeve nga ETF

Tregjet aziatike janë hapë më poshtë të premten, duke vazhdu një ndjenjë globale “risk-off” që ka ndiku edhe në aksione, edhe në kriptovaluta.

Bitcoin dhe asetet tjera digjitale kanë ra më tutje pasi të dhënat treguen kërkesë të dobësueme dhe hyrje më të ulëta nga mbajtësit e mëdhenj. Kapitalizimi total i tregut të kriptos ra rreth 2%, në 3.47 trilionë $, me Bitcoin që ra 1.5% në $101,545, dhe Ether që ra 2.5% në $3,320.

Indekset e bursave në rajon pasqyruen të njëjtën rënie:

• Nikkei 225 në Japoni ra 1.75%,

• Hang Seng në Hong Kong ra 0.74%.

Këto rënie erdhën pas shitjeve në Wall Street të udhëhequra nga aksionet e teknologjisë dhe inteligjencës artificiale. Nasdaq ra 1.9%, për shkak të fitimeve të realizuara pas muajsh ngritje të nxitura nga AI.

Të dhënat e reja për punësim treguen 153,074 vende pune të humbura në tetor, gati trefishi i vitit të kalum, duke shtuar shqetësimet për ngadalësim ekonomik.

Analistët thanë se këto humbje tregojnë që investitorët po pozicionohen me kujdes, teksa përfundon sezoni i fitimeve dhe mbyllja e qeverisë amerikane vazhdon të krijojë pasiguri mbi treguesit ekonomikë zyrtarë.

Ndërkohë, kërkesa institucionale për Bitcoin po tregon shenja ftohjeje. Ekonomisti i Kraken, Thomas Perfumo, tha se kërkesa nga thesaret e mëdha si MicroStrategy është ngadalësu, ndërsa ETF-të e kriptos kanë pa dalje të theksuara fondesh.

Përkundër ndjenjës më të dobët, analistët theksojnë se tregjet janë ende të rregulluara, me tregtarët që presin ndërhyrje të mundshme nga Rezerva Federale nëse streset e financimit shtohen.
Rendimentet e bonove qëndruen të forta, dollari ra 0.4%, ndërsa euro u rrit në $1.1547, duke rrit pritjet për një tjetër ulje të normës nga FED gjatë këtij viti.

---

Nivelet & Ngjarjet për t’u Vëzhgu

Në kohën e shkrimit, Bitcoin po tregtohet në $101,440, me rritje të vogël 0.15% në ditë.
Monedha mbetet nën presion pas disa përpjekjeve të dështuara për ta rimarrë zonën e $103,000.
Intervali ditor është mes $100,800 dhe $102,300, që reflekton ndjenjë të kujdesshme dhe vëllim të ulët tregtimi pas rënieve të kësaj jave.

Një mbyllje e fortë ditore mbi $103,000 mund ta hapë rrugën drejt $105,000–$107,000, ku ndodhen nivelet e mëparshme të rezistencës.
Në anën tjetër, nëse humbet mbështetja te $100,000, mund të ndodhë një rënie më e thellë drejt $98,500 dhe $96,800, zona ku blerësit kishin hyrë më herët.

Ndërkohë, Ethereum (ETH) po tregtohet në $3,337, me rritje 0.72% në 24 orët e fundit.
Edhe pse ka një rikuperim të vogël, ETH vazhdon me qëndru afër niveleve mujore më të ulëta pas korrigjimit të madh të kësaj jave.
Një rikthim mbi $3,400 mund ta çojë drejt $3,600–$3,750, ndërsa nëse bie nën $3,300, rrezikon rënie në $3,150 apo edhe $3,000.

Tregtarët po e përcjellin nga afër situatën makroekonomike, përfshi mbylljen e qeverisë së SHBA-së dhe pritjet për uljet e normave nga FED, si faktorë që mund të ndikojnë në lëvizjet afatshkurta të Bitcoin dhe Ethereum.

Ndërkohë, ndjenja e tregut po përkeqësohet, me Indeksin e Frikës dhe Lakmisë të CoinMarketCap që ka ra në 21 (Frikë).
Ky indeks ishte 24 dje, 31 javën e kalume, dhe 62 një muaj ma herët – duke tregu një kthesë të fortë prej një ambienti “lakmie” në një fazë “frike të thellë”.

ETF-të amerikane të Bitcoin-it patën një rikthim të fortë më 6 nëntor, me hyrje neto prej $240.03 milionë, sipas të dhënave nga SoSoValue.

Totali i hyrjeve kumulative në të gjitha ETF-t e Bitcoin-it tash qëndron në $60.52 miliardë, me asetet neto totale prej $135.43 miliardë, që përfaqësojnë 6.73% të kapitalizimit total të Bitcoin-it.
Vëllimi i përgjithshëm i tregtimit për ditën ishte $4.77 miliardë, që tregon pjesëmarrje të qëndrueshme institucionale përkundër luhatjeve të fundit të tregut.

Ndër ETF-t individuale:

• BlackRock IBIT udhëhoqi me $112.44 milionë hyrje,

• Fidelity FBTC shtoi $61.64 milionë,

• Ark & 21Shares ARKB shtoi $60.44 milionë,

• Bitwise BITB pati $5.5 milionë hyrje,

• ndërsa Grayscale GBTC mbeti e pandryshueme për ditën.

Njëjtë, ETF-të spot të Ethereum-it panë hyrje mesatare më 6 nëntor:

• BlackRock ETHA priu me $8.01 milionë,

• Fidelity FETH shtoi $4.95 milionë,

• dhe Bitwise ETHW shtoi $3.08 milionë.

Hyrjet kumulative neto tash janë $13.91 miliardë, me asetet totale prej $21.75 miliardë, që përfaqësojnë 5.45% të kapitalizimit total të Ethereum-it.
Vëllimi ditor i tregtimit ishte $1.62 miliardë, që tregon pjesëmarrje të qëndrueshme në mesin e ofruesve kryesorë.