Pse ka ra kripto sot? – 4 Nëntor 2025

Vëllimi i tregtimit 24-orësh u rrit në 223 miliard dollarë, që tregon pak rritje të aktivitetit edhe pse tregu në përgjithësi është në rënie.

Tregu i kriptovalutave sot po tregtohet ma poshtë, me kapitalizimin e përgjithshëm të tregut që ka ra 3.9% në 3.54 trilion dollarë, sipas të dhënave nga CoinMarketCap.
Megjithatë, vëllimi ditor i tregtimit është rritë në 223 miliard dollarë, që tregon pak gjallëri në treg pavarësisht rënies së përgjithshme.

---

Përmbledhje e shkurtë (TL;DR):

• Kapitalizimi global i tregut të kriptos ka ra 3.9%, në $3.54 trilion

• 9 prej 10 kriptovalutave kryesore kanë ra

• BTC -2.8% në $104,577, ETH -6.4% në $3,493

• Indeksi i “Frikës & Lakmisë” ra në 27 (Frikë) prej 36 dje

• ETF-të e BTC-së panë $186.5 milion dalje fondesh

• ETF-të e ETH-së regjistruan $135.76 milion dalje

• ETF-të e Solana-s u rritën me $70.05 milion hyrje

• Kompania Strategy njoftoi një ofertë të aksioneve të reja në euro për me ble edhe ma shumë Bitcoin

• FTX e tërhoqi planin për me kufizu pagesat në 49 shtete pas reagimeve të kreditorëve

---

Fituesit & Humbësit në kripto

Në momentin e shkrimit, 9 prej 10 kriptovalutave ma të mëdha janë në zonë të kuqe gjatë 24 orëve të fundit.

• Bitcoin (BTC) ra 2.8% në $104,577, me kapital tregu rreth $2.08 trilion

• Ethereum (ETH) ra 6.4% në $3,493, ndërsa BNB humbi 8.3%, duke u tregtu tash në $946

• XRP ra 6.7% në $2.25, kurse Solana (SOL) pësoi njanin prej rënieve ma të thella – 11% në $157

• Dogecoin (DOGE) ra 6.6% në $0.1625, kurse Cardano (ADA) vazhdoi me humbje, tash në $0.5349, poshtë 7.4% në 24 orët e fundit

Edhe pse tregu në përgjithësi është në rënie, disa altcoine kanë pasë rritje të madhe:

• Jelly-My-Jelly (JMJ) u rrit 183.3%,

• Decred (DCR) u rrit 150%,

• Zcash (ZEC) u ngrit 19.4%.

Monedhat që janë tue u përmendë ma shumë sot janë Dash, Decred dhe Zcash, që tregon rritje të interesit për kriptovalutat me fokus në privatësi dhe “masternode” gjatë kësaj kohe me shumë luhatje.

---

Kompania “Strategy” dhe njoftimi i Michael Saylor

Kompania e Michael Saylor, që fokusohet në Bitcoin, Strategy, ka njoftu lansimin e një instrumenti të ri kredie të denominuem në euro, me simbolin STRE, që synon investitorët institucionalë në Evropë dhe në tregun global.

Strategy po ofron $STRE (“Stream”), që është aksion preferencial i përhershëm në euro, për investitorë institucionalë në Evropë dhe botë.

Kompania planifikon me ofru 3.5 milion aksione të serisë A, me normë interesi 10%, ku fitimet do të përdoren për nevoja të përgjithshme të kompanisë dhe për blerje të reja të Bitcoin.

Ky njoftim vjen menjëherë pas blerjes së fundit të 397 BTC, me vlerë $45.6 milion, mes datave 27 tetor – 2 nëntor.

---

Rënia e Bitcoin nën $107,000 për shkak të daljes së fondeve nga ETF-të dhe shitjeve të “whale”-ave

Bitcoin ra 2% në tregun aziatik herët në mëngjes, duke zbritë nën $107,000, për shkak të daljeve të vazhdueshme të fondeve nga ETF-të dhe shitjeve nga poseduesit e mëdhenj (“whales”).

Kjo lëvizje pason periudhën e kujdesshme të fundit të tetorit, kur tregu pësoi rreth $19 miliard humbje. Tregtarët po e shohin këtë si një fazë konsolidimi pas një periudhe të paqëndrueshme.

Sipas të dhënave “on-chain”, akumulimi institucional është ngadalësu, dhe hyrjet kanë ra nën nivelin e prodhimit të ri të Bitcoin për herë të parë në shtatë muaj, ka deklaru Charles Edwards, themeluesi i Capriole Investments.

Kjo tregon një atmosferë më të kujdesshme në treg, derisa tregjet e aksioneve janë rritë, të udhëhequra nga fitimet e kompanive të teknologjisë dhe marrëveshja e Amazon me OpenAI, ndërsa dollari amerikan është forcu për shkak të pritjeve të ulëta për ulje të shpejtë të normave të interesit në SHBA.

Analistët po thonë që korrigjimi i tetorit ka “pastru” levën e tepërt në treg, dhe tash tregu është në fazë rindërtimi.
CEO e SynFutures, Rachel Lin, ka theksu që mbajtësit afatgjatë po qëndrojnë të qetë, dhe që daljet nga bursat vazhdojnë – zakonisht shenjë pozitive.

Për momentin, tregu pritet me lëvizë anash, derisa tregtarët po presin lëvizjet e ETF-ve dhe sinjalet nga Rezerva Federale.
Një raport më i butë për inflacionin mundet me e ndezë përsëri interesin për blerje kah fundi i muajit.

---

Nivelet & ngjarjet që duhen përcjellë

Në momentin e shkrimit, Bitcoin po tregtohet në $104,370, poshtë 2.04% gjatë ditës.
Pas humbjes së mbështetjes në $107,000, çmimi po lëviz mes $104,000 – $106,000, që tregon periudhë konsolidimi pas presionit të fundit të shitjeve.

Një ngritje e fortë mbi $106,500 mundet me hap rrugën për rikuperim kah $109,000 – $112,000, që janë zona të rezistencës.
Në anën tjetër, nëse bie nën $103,500, tregu mund të shohë humbje më të thella, me mbështetjen e radhës rreth $101,000 – $100,000, zonë psikologjike që shumë tregtarë e përcjellin.

Ethereum (ETH) po tregtohet në $3,477, poshtë 3.48% në 24 orët e fundit.
ETH është dobësu pas disa tentimeve të dështuara me mbajt çmimin mbi $3,700, që tregon që shitësit kanë ende kontrollin.

Nëse ETH arrin me u ngrit mbi $3,550, mundet me tentu një rikuperim kah $3,750 – $3,900.
Por, nëse bie nën $3,450, mund të ndodhë një rënie më e thellë kah $3,300 – $3,250, ku më herët është pa mbështetje e fortë.

---

Tani sentimenti i tregut është kthyer ndjeshëm në bearish, me Indeksin e Frikës & Lakmisë që ka ra në 27 (Frikë).
Ky indeks ka qenë 36 dje, 42 javën e kalume dhe 59 para një muaji, që tregon rënie të vazhdueshme të besimit të investitorëve.
Rënia e fortë po tregon kujdes të shtuar në treg, ku tregtarët po e ulin ekspozimin e vet për shkak të luhatjeve të mëdha dhe mungesës së gatishmërisë për rrezik.

ETF-të amerikane të Bitcoin-it regjistrojnë dalje prej $186.5 milion më 3 nëntor

Fondet ETF të Bitcoin-it në tregun “spot” në SHBA kanë regjistru $186.5 milion dalje më 3 nëntor, duke tregu presion të ri shitjesh në produktet institucionale, sipas të dhënave nga SoSoValue.

Totali kumulativ i hyrjeve neto tani qëndron në $61.0 miliard, me $143.5 miliard asete të kombinuara neto – që përfaqësojnë rreth 6.75% të kapitalizimit të tregut të Bitcoin-it.
Vëllimi i përgjithshëm ditor i tregtimit arriti në $4.69 miliard, që tregon aktivitet të vazhdueshëm pavarësisht rënies së përgjithshme të tregut.

Prej fondeve individuale, BlackRock IBIT udhëhoqi me daljen ma të madhe prej $186.5 milion, ndërsa Fidelity FBTC, Grayscale GBTC dhe Ark & 21Shares ARKB nuk kanë regjistru hyrje të reja.
Edhe pse pati rënie, fondi i BlackRock mbetet dominues me $85.3 miliard asete gjithsej, i ndjekur nga Fidelity me $21.8 miliard dhe Grayscale me $18.2 miliard.

---

ETF-të e Ethereum-it me dalje prej $135.76 milion

Edhe fondet ETF të Ethereum-it në tregun “spot” kanë pa dalje të mëdha më 3 nëntor, gjithsej $135.76 milion.
Prej 9 ETF-ve të listuara, fondi i BlackRock ETHA pati daljen ma të madhe – $81.7 milion, i pasuem nga Fidelity FETH me $25.1 milion, dhe Grayscale ETHE me $15 milion.

Edhe emra tjerë si Bitwise, VanEck e 21Shares kanë raportu dalje më të vogla, teksa interesi institucional u ftoh bashkë me rënien e tregut të Ethereum-it.

Totali kumulativ i hyrjeve neto për Ethereum ETF-të tash është $14.23 miliard, ndërsa asetet totale kanë ra në $24.02 miliard, që përfaqësojnë 5.55% të kapitalizimit të tregut të Ethereum-it.
Vëllimi ditor i tregtimit në krejt fondet arriti në $2.51 miliard, që tregon qarkullim të lartë edhe pse çmimet janë në rënie.

---

ETF-të e Solana-s me hyrje prej $70.05 milion

Në anën tjetër, ETF-të e Solana-s në tregun spot kanë regjistru $70.05 milion hyrje neto më 3 nëntor, duke shënu ditën e katërt me radhë me rrjedha pozitive, sipas SoSoValue.

Totali kumulativ i hyrjeve për Solana ETF-të tash është $269.26 milion, me $513.35 milion asete gjithsej – që përfaqësojnë 0.57% të kapitalizimit të tregut të Solana-s.
Vlera totale e tregtimit gjatë ditës arriti në $67.59 milion.

Prej dy ETF-ve të listuara, Bitwise BSOL dominoi me $65.16 milion hyrje, ndërsa Grayscale GSOL shtoi edhe $4.9 milion.

---

FTX e tërheq propozimin për kufizimin e pagesave

Ndërkohë, FTX e ka braktisë propozimin e saj të kontestu për me kufizu pagesat në dhjetëra shtete, pasi u përball me kundërshtim të ashpër nga kreditorët – sidomos ata në Kinë.

Burimi i lajmit: https://cryptonews.com/