Rritje e Madhe në Tregun e Kriptovalutave – 33 Miliardë për 6 Orë

Norma e Kriptovalutave Sot: Analiza e tregut global të kriptovalutave, parashikimi dhe prognoza, pasi tregu shton 33 miliardë dollarë për gjashtë orë. Çka po e shtyn këtë ngritje, a duhet me pas kujdes, edhe çka po thojnë tregtarët?

Nga
Gandharv Walia

Norma e kriptovalutave sot, analiza e tregut global, parashikimi dhe prognoza tregojnë një rritje të befasishme në treg. Brenda gjashtë orëve, tregu ka shtuar 33 miliardë dollarë në vlerë totale. Bitcoin, Ethereum dhe XRP kanë udhëheqë fitimet, tue tregu shenja të optimizmit afatshkurtër. Parashikimet tregojnë për një vetëbesim të kujdesshëm mes tregtarëve, derisa likuiditeti po kthehet.

---

Analiza e tregut global të kriptovalutave, parashikimi dhe prognoza

Tregu global i kriptovalutave ka pa një ngritje të madhe në vlerë, tue shtuar gati 33 miliardë dollarë në kapitalizimin e tregut për vetëm gjashtë orë. Kjo lëvizje shënon një ndryshim në ndjenjën afatshkurtër të tregtarëve dhe ka ringjallë aktivitetin në treg. Bitcoin, Ethereum dhe XRP kanë udhëheqë fitimet, duke i bo shumicën e kriptovalutave të mëdha me ngjyrë të gjelbër (në rritje).

---

Kërcim i madh në kapitalizimin e tregut

Sipas të dhënave të tregut, Bitcoin është rritë për 0.67%, duke arritë afër 110,700$. Ethereum u ngrit për 1.22%, duke e rimarrë nivelin prej 3,850$. XRP fitoi 11%, tue e kalu BNB-në dhe e rimori pozitën e katërt në renditjen e kriptovalutave.

Kapitalizimi i tregut të XRP-së tash është 152.2 miliardë dollarë, pak ma i lartë se ai i BNB-së që është 150.4 miliardë. Ky ndryshim tregon për një interes të ri të investitorëve në XRP. Edhe kriptovaluta tjera si Solana, Cardano dhe Dogecoin patën fitime të lehta, tue reflektu trendin e përgjithshëm në rritje të tregut.

Tash, vlera totale e tregut global të kriptovalutave ka kalu 3.26 trilionë dollarë. Analistët e shohin këtë si shenjë të kthimit të optimizmit afatshkurtër në treg, pas disa javësh me ndjenja të kujdesshme.

---

Faktorët që po e shtyjnë rritjen e tregut sot

Rritja e tanishme në normën e kriptovalutave vjen për disa arsye:

1. Stabiliteti i çmimit të Bitcoin mbi mesataren lëvizëse 200-ditore i ka inkuraju tregtarët. Ky nivel teknik është shumë i rëndësishëm për investitorët e mëdhenj dhe të vegjël.

2. Spekulimet rreth fondeve të reja të tregut (ETF) dhe produkteve të staking-ut të Ethereum-it kanë ngritë pritjet për pjesëmarrje ma të madhe institucionale.

3. Faktorët makroekonomikë po ndikojnë gjithashtu. Modelet e parashikimit tregojnë se një dollar më i dobët dhe uljet e mundshme të normave të interesit në tremujorët e ardhshëm po i shtyjnë tregtarët kah asetet më të rrezikshme si kriptovalutat.

---

A duhet me pas kujdes përkundër ngritjes – dhe çka po thojnë tregtarët?

Edhe pse entuziazmi është kthyer, analistët paralajmërojnë se kjo mundet me qenë vetëm një reagim afatshkurtër. Ngritja ka ndodhë gjatë fundjavës, kur volumi i tregtimit është i ulët, e mjafton pak me lëvizë çmimet shumë.

Kur tregtimi kthehet normal të hënën, shpesh çmimet kthehen poshtë. Prandaj shumë ekspertë e quajnë këtë "relief rally" – domethënë një ngritje e përkohshme, jo fillim i një tregu të madh në rritje.

Bitcoin po qëndron i fortë, por monedhat më të vogla po tregojnë sinjale të përziera teknike. Kjo rimëkëmbje e pabarabartë tregon që investitorët e mëdhenj janë ende të fokusuar kryesisht në asetet kryesore.

Pastrimi rregullativ dhe tensionet gjeopolitike mbesin rreziqe të jashtme që mund me e ndryshu shpejt ndjenjën e tregut.

---

Parashikimi afatshkurtër dhe afatgjatë i tregut global të kriptovalutave

Parashikimet për normën e kriptovalutave sot janë pozitive, por me kujdes. Analistët thonë që nëse Bitcoin qëndron mbi nivelin mbështetës prej 108,000$ dhe e kalon rezistencën afër 114,000$, momentumi mundet me vazhdu deri në fund të javës.

Megjithatë, të dhënat historike tregojnë që ngritjet gjatë fundjavës zakonisht ftohen sapo tregtimi kthehet në normalitet. Për periudhën afatgjatë, flukset institucionale, qartësia rregullative dhe politikat ekonomike do ta përcaktojnë trendin tjetër të madh.

Ngritja e XRP-së në pozitën e katërt mundet prapë me ndezë interesin për diskutime rreth pagesave dhe transfereve ndërkombëtare – tue tregu sa shpejt mundet me u ndryshu peizazhi i kriptovalutave.

---

Pyetje të shpeshta (FAQ)

P1: Çka e shkaktoi ngritjen prej 33 miliardë dollarëve në treg sot?
Rritja u shkaktua nga stabiliteti i Bitcoin-it, optimizmi rreth ETF-ve dhe ripozicionimi i institucioneve gjatë fundjavës me volum të ulët tregtimi, që çoi në likuidime të shpejta dhe moment pozitiv në treg.

P2: Çka parashikohet për çmimet e kriptovalutave javën tjetër?
Parashikimet tregojnë për fitime të lehta nëse Bitcoin qëndron mbi 108,000$ dhe e kalon rezistencën 114,000$, por tregtarët po qëndrojnë të kujdesshëm për ndonjë rënie pas fundjavës.

Burimi: https://economictimes.indiatimes.com/